Hindiston 2036 yilgi Olimpiadaga mezbonlik qilmoqchi

Hindistonning 2036 yilgi yozgi Olimpiya o‘yinlariga mezbonlik qilish uchun rasmiy arizasi Bosh vazir Narendra Modi tomonidan e’lon qilindi.

Bosh vazirning so‘zlariga ko‘ra, Hindiston Olimpiadani to‘liq do‘stona muhitda yuqori saviyada o‘tkazishga tayyor.

“Hindiston 2036 yilgi Olimpiada o‘yinlariga mezbonlik qilishga hozirlik ko‘rmoqda. Bu borada oldingi Olimpiadalarda qatnashgan sportchilarning hissasi katta. Biz buni hujjatlashtirib, hukumat bilan muhokama qilamiz, shunda 2036 yilga qadar tayyorgarlikni davom ettiramiz”, deydi Bosh vazir.

Qayd etish joiz, Hindistondan tashqari Meksika, Turkiya, Indoneziya va Polsha ham 2036 yilgi Olimpiadani o‘zida o‘tkazish bo‘yicha Xalqaro Olimpiya qo‘mitasiga so‘rov jo‘natgan.

Ma’lumot uchun, Los-Anjeles 2028 yilgi yozgi o‘yinlarga mezbonlik qiladi. 2032 yilgi Olimpiya o‘yinlari esa Avstraliyaning Brisben shahrida bo‘lib o‘tadi.