O‘zbekistonda anomal issiq davom etadimi? O‘zgidromet haftalik ob-havo haqida ma’lumot berdi

Bu qiziq

image
0:00
0:00
download

Bugun, 26 iyul kuni  O‘zbekistonda kam bulutli va issiq ob-havo saqlanib turadi. Havo harorati kunduz kunlari 41-44 darajani tashkil etadi, janubda va cho‘l hududlarda ba’zi joylarda 45-46 darajagacha ko‘tariladi.

Ertadan boshlab respublikaning shimoliy hududlariga g‘arbiy Qozog‘iston orqali Volga bo‘yi hududidan nisbatan salqin havo massasi kirib keladi, janubi-sharqiy hududlarda nisbatan issiq ob-havo saqlanib turadi. Havo harorati biroz pasayadi va 37-40 daraja, ba’zi joylarda janubda 42 darajagacha, shimolda 34-37 daraja atrofida bo‘ladi.

Keyingi kunlarda salqin havo massasi respublikaning barcha hududiga tarqaladi. Hafta davomida harorat asta-sekin pasayadi va juma kuniga kelib 33-35 darajani tashkil etadi va me’yoriy qiymatlarga yaqinlashadi, ba’zi hududlarda esa iyul oyi oxiri uchun bo‘lgan o‘rtacha ko‘p yillik qiymatlardan 2-3 daraja past bo‘ladi.

Bugun va ertaga respublika bo‘yicha ba’zi joylarda shamol tezligi 17-22 m/s gacha kuchayishi kutilmoqda, ayrim hududlarda changli bo‘ron bilan 25-30 m/s gacha kuchayishi mumkin.


Maqola muallifi

Teglar

ob-havo

Baholaganlar

2738

Reyting

3

Maqolaga baho bering

Doʻstlaringiz bilan ulashing