Harris saylovdagi raqibini teledebatga chaqirdi
Olam
−
16 iyul
5678AQSH vitse-prezidenti Kamola Harris bo‘lajak saylovlarda Respublikachilar partiyasidan vitse-prezidentlikka nomzodi tasdiqlangan senator Jeyms Devid Vensni (Ogayo shtati) teledebat o‘tkazishga taklif qildi. Bu haqda AQSH Prezidenti Jo Baydenning saylovoldi shtabiga tayanib, “Politico” gazetasi xabar berdi.
Manbaga ko‘ra, Harris Vensga nomzod sifatida tasdiqlanganidan keyin qo‘ng‘iroq qilib, “CBS tomonidan taklif qilingan vitse-prezidentlik debatida uchrashishlariga umid bildirgan”.
Gazetaga ko‘ra, vitse-prezidentlik bahslari shu yilning yoz oxirida kutilmoqda. Bayden kampaniyasi ikki sana – 23 iyul va 13 avgustga kelishib oldi. Respublikachi sobiq prezident Donald Trampning shtab-kvartirasi CBS taklifiga javob bermadi, biroq “Fox News” telekanalining shtatdagi ikkinchi muhim lavozimga nomzodlarning debatlarini tashkil etish taklifini qabul qildi.
15 iyul kuni Tramp vitse-prezidentlikka nomzod sifatida 39 yoshli senator Jeyms Devid Vensni (Ogayo shtatidan respublikachi) tanlaganini ma’lum qildi. Senatorning nomzodi keyinroq Viskonsin shtatining Miluoki shahrida bo‘lib o‘tgan Respublikachilar milliy qurultoyida ma’qullandi. Qurultoyda Tramp rasman prezidentlikka nomzod sifatida ko‘rsatildi.
Harris Amerikaning amaldagi rahbari Baydenning prezidentlik kampaniyasi doirasida o‘z lavozimiga qayta saylanishni rejalashtirmoqda.
LiveBarchasi