HAMAS yana 3 isroillikni ozod qildi

Falastinning HAMAS harakati G‘azo sektorida o‘t ochishni to‘xtatish va mahbuslarni almashish kelishuvi doirasida uch nafar isroillik garovga olinganlarni Xalqaro Qizil Xoch qo‘mitasi xodimlariga topshirdi. Bu haqda Isroil Mudofaa vazirligi xabar berdi. 

Qayd etilishicha, mahbuslarni ozod qilish jarayoni bir necha bosqichda amalga oshirilgan. Harakat a’zolari G‘azo sektori markaziy qismidagi Nuseyrat qochqinlar lageridan garovga olingan yana uch kishi – 27 yoshli Eliya Koen, 23 yoshli Omer Venkert, 22 yoshli Omer Shem-Tov ozod qilingan. Dastlab ularga harakat tomonidan sovg‘alar topshirilgan. Shundan so‘ng, HAMAS uchalasini ham Qizil Xoch xodimlariga topshirgan.

Ma’lum qilinishicha, bugun yana HAMAS 2015 yildan beri asirlikda bo‘lgan Hisham al-Saidni ozod qilishi mumkin. 

north_east

HAMAS yanglishilgan jasadni Isroilga topshirdi

Isroil kuchlariga ko‘ra, HAMAS ozod qilgan mahbuslar 2023 yil 7 oktyabrda qo‘lga olingan.

Ushbu garovga olinganlarni ozod qilish evaziga Isroil 602 nafar falastinlik mahbusni qamoqdan ozod qilishi kerak.

Ma’lumot uchun, o‘t ochishni to‘xtatish kelishuvi uch bosqichni o‘z ichiga oladi. Dastlabki 42 kunlik bosqichda jami 1900 ga yaqin falastinlik va 33 nafar isroillik asirning ozod etilishi kutilmoqda.

Eslatib o‘tamiz, bugun, 22 fevral kuni HAMAS G‘azo sektorida o‘t ochishni to‘xtatish va mahbuslarni almashish kelishuvi doirasida ikki nafarini Xalqaro Qizil Xoch qo‘mitasiga topshirgandi. Ikki isroillik mahbus Tal Shoham va Avera Mengistu G‘azo sektoridagi Rafah shahridan Qizil Xoch xodimlariga topshirilgan.