Habib otasi uchun oktagonga qaytadimi?

Rossiyalik MMA jangchisi Habib Nurmuhamedov otasi uchun oktagonga qaytishi va 30-g‘alabasini ham qo‘lga kiritishi mumkin. Bu haqda UFC Prezidenti Dana Uayt gapirdi.

"Men Habib bilan suhbatlashdim. U oxirgi jangidagi g‘alabasidan so‘ng kuchli hayajonda bo‘lgan. Men Habib yana oktagonga qaytib, hisobini 30-0 ga tenglashtirib qo‘yadi, deb o‘ylayabman. Menimcha, u butunlay ketmadi. Uning otasi ham 30-0 hisobini xohlagan. Habib aynan o‘sha xohishni amalga oshirish uchun qaytib kelishi mumkin", degan Uayt.

Ma’lumot uchun, joriy yilning 3 iyul kuni katta Nurmuhamedov 57 yoshida vafot etdi. Unga koronavirus tashxisi qo‘yilgandi. 

Eslatib o‘tamiz, 24 oktyabr kuni Abu-Dabidagi (BAA) “Janglar oroli”da o‘tkazilgan UFC 254 musobaqasida rossiyalik Habib Nurmuhamedov amerikalik Jastin Getji bilan kuch sinashdi va 2 raunddayoq g‘olib bo‘ldi. G‘alabasidan so‘ng Habib o‘z faoliyatini tugatgani haqida e’lon qildi

Habib Nurmuhamedov UFC’dagi faoliyati davomida 29 ta jang o‘tkazib, biror marta ham mag‘lubiyatga uchramagan.