Habib Nurmuhamedov o‘zbek sportchilaridan kimlarni kuzatishini aytdi

Sport 34007
image

Avval xabar berilganidek, UFC bo‘yicha yengil vazn toifasida mutlaq jahon chempioni Habib Nurmuhamedov bugun, 1 dekabr kun Toshkentga yetib keldi. Milliy olimpiya qo‘mitasida sportchi ishtirokida matbuot anjumani bo‘lib o‘tdi.

Sportchi o‘zbekistonlik jurnalistlar va sportchilarning bir qator savollariga javob berdi. QALAMPIR.UZ muxbiri Umidjon Nozimjonovning O‘zbekistonda qaysi sportchilarni kuzatib borayotgani haqidagi savoliga Habib Nurmuhamedov quyidagicha javob qaytardi.

“So‘nggi Olimpiadada O‘zbekiston yaxshi natijalarga erishdi. Sizlarda sportda katta yutuqlarga erishayotgan sportchilaringiz bor, jumladan Murodjon Ahmadaliyev, Hasanboy Do‘smatovni misol qilishim mumkin.

Sportchilaringizga yaxshi sharoitlar yaratilmoqda. Bu ular uchun eng muhimidir. Navbatdagi musobaqalarda yanada muvaffaqiyatli ishtirok etishingizni tilayman”, deydi sportchi.



Habib Nurmuhamedovni tashkilot ostonasida MOQ raisi Rustam Shoabdurahmonov, vitse-prezident Saken Polatov, Bosh kotib Oybek Qosimov kutib olgan. Shuningdek, tadbirda O‘zbekiston MMA assotsiatsiyasi va triatlon federatsiyasi raisi o‘rinbosari Otabek Umarov ham ishtirok etdi.

Umidjon Nozimjonov
Maqolaga baho bering
Baholaganlar: 1824
Reyting: 3
t
×