Habib Angliyaning g‘alabasiga munosabat bildirdi
Sport
−
08 iyul 2021 5373
Yengil vazn toifasida sobiq UFC chempioni, rossiyalik Habib Nurmuhamedov Angliya terma jamoasining Yevro-2020 finaliga chiqqani haqida o‘zining Instagram sahifasida munosabat bildirdi.
“Mening avvalgi postimni unutmadingiz, deb umid qilaman. Angliya — yer yuzida tengi yo‘q jamoa. Buning barchasi mamlakatda futbolning rivojlanayotgani uchun, korrupsiyaning emas”, deb yozgan sobiq chempion.
Ma’lumot o‘rnida, Angliya Yevropa chempionatining yarim finalida Daniya terma jamoasini 2:1 hisobida mag‘lub etib, o‘z tarixida ilk bor finalga yo‘l oldi. “Tumanli Albion” vakillari musobaqa g‘olibligi uchun Italiyaga qarshi maydonga chiqadi.
