Зидан ўзи ўйнаган энг яхши стадион қайси эканини айтди
Спорт
−
12 Сентябрь 3613
“Реал”нинг собиқ бош мураббийи Зинедин Зидан “Сантьяго Бернабеу”ни футболчи сифатида тўп тепган фаолиятидаги энг яхши стадион деб атади. Бу ҳақда у “Madrid Xtra”га берган интервьюсида маълум қилди.
“Энг яхши стадион Бернабеу! Мен учун “Сантьяго Бернабеу” биринчи рақамли ўйингоҳ. Энг яхши мухлислар, муҳит ва тарих шу аренада мавжуд”, дейди Зидан.
Маълумот учун, Зинедин Зидан “Реал”ни 2016-2018 ва 2019-2021 йилларда бошқарган. Франциялик мураббий “қаймоқранглилар” билан биргаликда икки карра Испания чемпиони, икки карра Испания Суперкубоги ва уч карра Европа Чемпионлар лигасида ғолиб бўлди.
Зидан футболчи сифатида “Канн”, “Бордо”, “Ювентус” ва “Реал”да ўйнаган. FIFA уни уч марта йилнинг энг яхши футболчиси деб эълон қилган. Зидан 2006 йилда фаолиятини якунлаган.
Live
Барчаси
