Жоау Фелиш фаолиятини “Милан” клубида давом эттиради

Лондоннинг “Челси” клуби ҳужумчиси Жоау Фелиш фаолиятини “Милан”да давом эттиради. Португалиялик футболчи Италия А Сериясининг расмий сайтида “россонерилар” таркибига киритилди. Бу ҳақда “Transfermarkt” хабар берди. 

Маълум бўлишича, португалиялик футболчи жорий мавсум охиригача “Милан”да ижара асосида ўйнайди. Россенерилар сафида  25 ёшли футболчининг дебюти 6 февраль куни “Рома”га қарши ўйинда бўлиши кутилмоқда.

Жорий мавсумда Фелиш барча турнирларда 20 та ўйин ўтказиб, 7 та гол урди ва 2 та голли узатмани амалга оширди. Португалиялик футболчининг “Челси” билан амалдаги шартномаси 2030 йилнинг ёзига қадар тузилган. “Transfermarkt” порталида берилган маълумотларга кўра, футболчининг бозор қиймати 30 миллион еврони ташкил қилади.

Маълумот учун, айни вақтда “Милан” 35 очко билан А Серия турнир жадвалида 8-ўринда бормоқда. Жамоа Европа Чемпионлар лигасининг плей-офф ўйинида Нидерландиянинг “Фейеноорд” жамоаси билан тўқнаш келади.