Жиззахда 65 туп кўкнори эккан аёл ушланди (видео)
3-саҳифа
−
03 Июнь 2021 1 дақиқа
Жиззах вилоятида томорқасида 65 туп кўкнори эккан 43 ёшли аёл қўлга олинди. Бу ҳақда Ички ишлар вазирлиги хабар берди.
Қайд этилишича, Жиззах вилоятининг Шароф Рашидов туманида ўтказилган тезкор профилактик тадбир давомида туманнинг “Ёшлик” маҳалласида яшовчи 1983 йилда туғилган фуқаронинг яшаш хонадони ички ишлар органлари ходимлари томонидан холислар иштирокида белгиланган тартибда кўздан кечирилган.
Текширув жараёнида ҳовлида гиёҳвандлик воситаси ҳисобланган кўкнори ўсимлигига ўхшаш 65 туп ўсимлик экилиб, парваришлаб келинаётгани аниқланган. Ушбу ўсимликлар процессуал тартибда ҳужжатлаштирилиб, ашёвий далил сифатида олинган.
Мазкур ҳолат юзасидан тегишли экспертиза ва суриштирув олиб борилмоқда.
Эслатиб ўтамиз, аввалроқ Бухорода ўз уйининг томорқасида тақиқланган гиёҳванд модда – жами 100 тупдан кўп каннабис ўсимлигини етиштириб келаётган шахслар ушланган эди.
Live
Барчаси
