ЖЧ-2026 қуръа ташлаш маросими учун саватлар маълум бўлди

2026 йилги Жаҳон чемпионати қуръа ташлаш маросими 5 декабрь куни Вашингтондаги Кеннеди марказида бўлиб ўтади. Терма жамоалар қуръада FIFA’нинг сўнги рейтинги асосида саватларга ажратилади. FIFA’нинг сўннги рейтингидан кейин 4 та саватдаги жамоаларни билиб олиш мумкин.

Янгиланган рейтингга кўра, Ўзбекистон миллий терма жамоаси 50-ўринга кўтарилиб, Осиё жамоалари орасида 5-ўринни эгаллади. Ўзбекистондан юқорида Осиёнинг Япония (18), Эрон (20), Жанубий Корея (22) ва Австралия (26) терма жамоалари жой олган. Ҳозирда Ўзбекистон МТЖ рейтингда 1462.03 очкога эга.

Рейтингда энг юқори ўринларни эгаллаган жамоалар:

1-ўрин: Испания

2-ўрин: Аргентина

3-ўрин: Франция

Қура ташлаш учун саватлар қуйидагича ажратилди:

Сават 1: Канада, Мексика, АҚШ, Испания, Аргентина, Франция, Англия, Бразилия, Португалия, Голландия, Белгия, Германия.

Сават 2: Хорватия, Марокаш, Колумбия, Уругвай, Швейцария, Япония, Сенегал, Эрон, Жанубий Корея, Австрия, Эквадор, Австралия.

Сават 3: Норвегия, Панама, Миср, Жазоир, Парагвай, Тунис, Шотландия, Кот-д’Ивуар, Қатар, Ўзбекистон, Саудия Арабистони, Жанубий Африка.

Сават 4: Иордания, Кабо-Верде, Гана, Кюрасао, Гаити, Янги Зеландия, UEFA вакили 1, UEFA вакили 2, UEFA вакили 3, UEFA вакили 4, плей-офф 1, плей-офф 2.

Маросимда қуръа натижалари эълон қилингач, барча гуруҳлар аниқ бўлади ва мухлислар турли сценарийларни тахмин қилишлари мумкин.