Жанубий Корея Президенти Шимолий Корея билан бирлашишни таклиф қилди

Жанубий Корея Президенти Ли Чжэ Мён мамлакат конституциясида кўрсатилганидек, Корея Халқ Демократик Республикасига (КХДР) тинч йўл билан бирлашув тарафдори эканини айтди. Бу ҳақда давлат раҳбари журналистлар билан бўлиб ўтган матбуот анжуманида сўз очди.

У шимолий ва жанубий қисм ҳатто юзлаб йиллар ўтгач ҳам бирлашиши мумкинлигини таъкидлаган. 

“Конституциямизда тинч йўл билан бирлашувга интилиш дейилган, қўшиб олиш эмас. Кимга ёқади босиб олиш? Бундай уриниш катта қурбонларга олиб келади. Иложи борича бир-биримизнинг мавжудлигимизни тан олиб, ўзаро манфаатли йўлдан боришимиз керак”, деган давлат раҳбари. 

У 1953 йилги урушдан бери 80 йил ўтгани, аммо бу тарих нуқтайи назаридан унчалик узоқ муддат эмаслигини таъкидлаган. 

“Агар аста-секин умумийликни тикласак, юзлаб йиллар ўтгач ҳам бирлашишимиз мумкин”, деган Ли Чжэ Мён. 

Шунингдек, Президент пропаганда эшиттиришларининг тугаши масаласига ҳам тўхталиб ўтган. У Жанубий Кореяда жойлашган ташвиқот овоз кучайтиргичларини ўчиришни буюрганидан сўнг, КХДР ўз тарафидаги шовқин узатиш қурилмаларини тўхтатганини мамнуният билан қайд этган. 

“Реакция жуда тез бўлди ва бу мен кутганимдан ҳам яхшироқ”, деган Корея раҳбари. 

У шунингдек, Россия ва Хитой билан муносабатларни яхшилаш истагини билдирган. КХДР бўйича эса Жанубий Корея, Япония ва АҚШ ўзаро ҳамкорликни давом эттиришга келишиб олган.

Эслатиб ўтамиз, аввалроқ Япония Бош вазири Сигеру Исиба ва Жанубий Корея Президенти Ли Чжэ Мён КХДРга нисбатан қўшма стратегия ишлаб чиқиш борасида ҳамкорликни ривожлантириш ниятида эканини маълум қилганди.