Жанубий Корея парламенти муваққат президентга ҳам импичмент эълон қилди

Жанубий Корея мухолифати кеча, 26 декабрь куни президент вазифасини вақтинча бажарувчи Хан Док Суга қарши импичмент эълон қилиш ҳақида парламентга таклиф киритганини маълум қилди. Бу ҳақда “Reuters” нашри хабар берди.

Қайд этилишича, парламентда 300 ўриндан 192 нафар депутат Ҳанни импичмент қилишга овоз берган, шу билан бирга ҳукумат партияси сиёсатчилари овоз беришда иштирок этишдан бош тортган.

Бу Хан Док Сунинг мамлакат конституциявий судига учта судьяни тайинлашдан бош тортганидан кейин содир бўлган. Парламент номзод судьяларга овоз берган, бироқ Хан ҳукмрон партия ва мухолифат сиёсий муросага келмагунча уларни лавозимга тайинлашдан бош тортган.

Хан Док Сунинг импичментидан сўнг, Жанубий Корея қонунларига кўра, молия вазири Чои Санг-мок кейинги вақтинча президентлик лавозимига тайинланиши керак.

Эслатиб ўтамиз, аввалроқ Жанубий Корея парламенти Президент Юн Сок Ёлга импичмент эълон қилиш учун овоз берганди. Овоз беришда барча 300 депутат иштирок этган. Импичментни 204 нафар депутат қўллаб-қувватлаган. 85 киши қарши чиққан, уч нафари бетараф қолган. Яна 8 овоз эса ҳақиқий эмас деб топилган.