Жамшид Қўчқоров “энг яхши Молия вазири” деб топилди
Жамият
−
20 Октябрь 2019 9849
Ўзбекистон Республикаси Бош вазири ўринбосари – Молия вазири Жамшид Қўчқоров “2019 йилнинг энг яхши Молия вазири” деб топилди.
Буюк Британиянинг нуфузли “Global Market” нашри (“Euromoney Institutional Investor”нинг қисми) Ўзбекистон Республикаси Бош вазири ўринбосари – Молия вазири Жамшид Қўчқоровни “Марказий ва Шарқий Европа минтақаси бўйича (шу жумладан МДҲда) “2019 йилнинг энг яхши Молия вазири” деб эътироф этди.
Ушбу нашр таҳририяти Ўзбекистон Республикаси иқтисодиётини либераллаштиришда, Президент Шавкат Мирзиёев раҳбарлигида мамлакат иқтисодий ҳаётида амалга оширилаётган ислоҳотларни, хусусан: валюта бозорини либераллаштириш, солиқ соҳасидаги ислоҳотлар, савдо чекловларини енгиллаштириш ва давлат суверен облигацияларнинг эмиссиясини самарали ўтказишда эришилган катта ютуқларни юқори баҳолади.
