Зеленский Эрдўған билан учрашди (видео)

Бугун, 18 февраль куни Туркия Президенти Ражаб Тойиб Эрдўған Украина раҳбари Владимир Зеленский билан учрашди. Бу ҳақда Туркия Президенти матбуот хизмати хабар берди.

Қайд этилишича, Ражаб Тойиб Эрдўған Анқарада музокаралар бошланишидан аввал украиналик мавқедошини президентлик мажмуаси кираверишида кутиб олган. Шундан сўнг, икки давлат раҳбарлари Туркия ва Украина давлат байроқлари фонида эсдалик суратга тушган.

Учрашув матбуот учун ёпиқ эшиклар ортида бошланган.

ОАВга кўра, икки давлат раҳбарлари Украина инқирозидан ташқари, Анқара ва Киев ўртасидаги стратегик шериклик ҳамда ҳамкорликни янада мустаҳкамлаш бўйича қадамларни муҳокама қилишлари кутилмоқда.

Эслатиб ўтамиз, бугун, 18 февраль куни Саудия Арабистонида АҚШ ва Россия вакилларининг расмий учрашуви бўлиб ўтди. Қолаверса, Европа етакчилари ҳам Франция пойтахти Парижда фавқулодда саммит ўтказиб, Трамп маъмуриятининг Европа иштирокисиз Москва билан музокаралар олиб бориш режаларига нисбатан нима қилиш кераклигини муҳокама қилди. Учрашув якунлари бўйича аниқ қарорлар эълон қилинмаган, бироқ Европа Иттифоқи ва НАТО мудофаага кўпроқ сармоя киритиш ва Киевга ишончли хавфсизлик кафолатларини тақдим этиш зарурлигини билдирган.