“Ювентус” Роналдудан кейин “Реал” футболчисини сотиб олмоқчи
Спорт
−
20 Апрель 2019 3687
Италиянинг “Ювентус” клуби Мадриднинг “Реал” клуби ярим ҳимоячиси Мануэль Искогa жиддий тарзда қизиқмоқда.
Маълумотларга кўра, “кекса синьора” 26 ёшли хавбекни харид қилиш имкониятини ўрганиб чиқмоқда. “Реал” Эден Азар ва Кристиан Эриксенни сотиб олишга уринаётгани туфайли улар Искони қўйиб юбориши мумкин. “Ювентус” испаниялик учун 85 млн. евро тўлашга тайёр.
Жорий мавсум Иско “Реал” сафида 31та учрашув ўтказиб, 6та гол урди ва 1та голли пас берди. “Қироллик клуби” ва футболчи ўртасидаги битим 2022 йилнинг ёзигача белгиланган.
