YouTube'да Роналдунинг сохта видеоси 17 миллиондан ортиқ “просмотр” тўплади

Спорт

image

Айёр YouTube фойдаланувчиси "Ал-Наср" ўйинчиси Криштиану Роналдунинг мавжуд бўлмаган голини эълон қилиб, кўп сонли кўришлар йиғишга муваффақ бўлди.

YouTuber'нинг видеоси 17 миллиондан ортиқ кўрилган, 37 ёшли португалиялик эса янги жамоада ҳали дебютини ўтказмаган. Видеонинг муқовасида Роналду араб клуби футболкасида тасвирланган.

Роналдуни анчадан буён кузатиб келаётган мухлислар бу видео ишончсиз эканлигини, муқова эса атайлаб кўришлар сонини ошириш учун қилинганини тезда пайқашди. Португалияликнинг "Ал-Наср"даги биринчи ўйини Криштиану "Манчестер Юнайтед"да ўйнаган вақтида олган дисквалификацияси ҳисобига чўзилмоқда.

Аввалроқ, Риёд жамоаси камерунлик Венсан Абубакарни қайдномадан чиқариб, унинг ўрнига португалиялик ҳужумчи Криштиану Роналдуни рўйхатдан ўтказгани хабар қилинганди.


Мақола муаллифи

Теглар

Ronaldu Al-Nasr

Баҳолаганлар

0

Рейтинг

3

Мақолага баҳо беринг

Дўстларингиз билан улашинг