Европа Snapchat устидан терговни бошлади

Европа Комиссияси Snapchat’нинг болалар хавфсизлигини ҳимоя қилиш бўйича тергов бошлади. Бу ҳақда “Euronews” хабар берди.

Маълум бўлишича, 26 март куни Европа Комиссияси катталар Snapchat’да ёш фойдаланувчилар қиёфасида бўлиб, уларни ноқонуний фаолиятга ёки жинсий эксплуатация қилишга жалб қилишда гумон қилинган.

Шунингдек, комиссия Snapchat платформаси вояга етмаганларни “grooming” алдаб ишончига кириш орқали эксплуатация қилиш ва жиноий фаолиятга жалб қилиш хавфига дучор қилган ёки қилмаганини аниқлаш мақсадида тергов бошлаган. 

Маълумот учун, Snapchat бу фойдаланувчиларга фотосуратлар ва видеолар улашиш учун қулай ижтимоий медиа платформаси ҳисобланиб, компаниянинг сўнгги шаффофлик ҳисоботига кўра, 2025 йилда тахминан 94,5 миллион европалик Snapchat аккаунтига эга бўлган.

Комиссия кеча, 26 март куни платформа катталарга ёш фойдаланувчилар қиёфасида ўзини кўрсатишга, кейин эса болалар билан боғланиб, уларни ноқонуний фаолиятга жалб қилишга ёки жинсий эксплуатация қилишга рухсат бериши мумкинлигидан шубҳаланаётганини айтган.

“Ноқонуний маҳсулотларни парвариш қилиш ва уларга таъсир қилишдан тортиб, вояга етмаганларнинг хавфсизлигига путур етказадиган аккаунт созламаларигача, Snapchat Рақамли хизматлар тўғрисидаги қонун барча фойдаланувчилар учун юқори хавфсизлик стандартларини талаб қилишини эътиборсиз қолдирган кўринади”, деган технология суверенитети, хавфсизлиги ва демократия бўйича ижрочи вице-президент Хенна Вирккунен.

Эслатиб ўтамиз, аввалроқ Meta платформаси болаларнинг руҳий саломатлигига атайлаб зарар етказганлиги ва болаларни жинсий эксплуатация қилиш ҳақидаги маълумотларни яширгани аниқлангандан кейин 375 миллион доллар жаримага тортилганди.