ЕЛга қуръа ташланди. “Рома”, “Юнайтед” ва бошқалар рақибларини билиб олди

Бугун, 26 август куни, Швейцариянинг Ньон шаҳрида футбол бўйича Европа лигаси гуруҳ босқичига қуръа ташлаш маросими бўлиб ўтди.

4 та саватчага бўлинган 32 та жамоа 8 та гуруҳга ажратилди. Қуръа қоидаларига кўра, битта саватдаги ва бир мамлакат жамоалари гуруҳ босқичида ўзаро тўқнаш келмайди.

Қуръадан сўнг жамоалар қуйидаги тартибда гуруҳлардан жой олди:

"А" гуруҳи: "Арсенал" (Англия), ПСВ (Нидерландия), "Буде Глимт" (Норвегия), "Цюрих" (Швейцария);

"B" гуруҳи : "Динамо" Киев (Украина), "Ренн" (Франция), "Фенербахче" (Туркия), "Ларнака" (Греция);

"С" гуруҳи: "Рома" (Италия), "Лудогорец" (Болгария), "Бетис" (Испания), "Хельсинки" (Финляндия);

"D" гуруҳи: "Брага" (Португалия), "Мальме" (Швеция), "Унион Берлин" (Германия), "Унион Сант Галлен" (Бельгия);

"E" гуруҳи : "Манчестер Юнайтед" (Англия), "Реал Сосьедад" (Испания), "Шериф" (Молдова), "Омония" (Кипр);

"F" гуруҳи: "Лацио" (Италия), "Фейеноорд" (Нидерландия), "Мидтьюлланд" (Дания), "Аустрия" (Австрия);

"G" гуруҳи:"Олимпиакос" (Греция), "Қорабоғ" (Озарбайжон), "Фрайбург" (Германия), "Нант" (Франция);

"H" гуруҳи: "Црвена Звезда" (Сербия), "Монако" (Франция), "Ференцварош" (Венгрия), "Трабзонспор" (Туркия).

Маълумот учун, Европа лигаси гуруҳ босқичи шу йилнинг 8 сентябрь куни старт олади ва 3 ноябрь куни якунига етади. Мусобақа тақвимининг бу қадар зичлигига сабаб сифатида Қатарда бўлиб ўтадиган Жаҳон чемпионатининг ноябрда бошланиши келтирилган.