Вице-президент давлатга хиёнатда айбланмоқда

Жанубий Суданнинг вице-президенти Риек Мачар жорий йилнинг март ойида маҳаллий полиция томонидан федерал кучларга қарши уюштирилган ҳужумларда иштирок этганлик, қотиллик ва давлатга хиёнатда айбланмоқда. Бу ҳақда CNN хабар берди.

Маълумотларга кўра, Мачар Суданнинг шимолий-шарқидаги Насирия шаҳридаги ҳарбий базага уюштирилган ҳужумлар билан боғлиқ жиноятда айбланиб, лавозимидан четлатилган ва уй қамоғига олинган.

“Мамлакат нефть вазири Пуот Кан Чхоль ҳам собиқ вице-президентга ёрдам берганликда айбланмоқда ва у ҳам лавозимидан четлатилиши мумкин”, дея қўшимча қилинади хабарда.

Халқаро кучлар Мачарни озод қилишга чақириб, унинг ҳибсга олиниши мамлакатни яна фуқаролар урушига олиб келиши мумкинлигидан огоҳлантирган. Бироқ Судан Адлия вазири Жозеф Генг бу иш аллақачон судга юборилганини айтган.

“Жанубий Судан Республикаси ҳукумати халқаро ҳамкорлар, жамоатчилик ва оммавий ахборот воситаларининг бу иш бўйича иштирокини қадрласада, бу масала энди судда. Бу иш бўйича Мачардан ташқари яна 20 кишига айблов эълон қилинган. Улардан 13 нафари ҳали ҳам озодликда”, деган Генг.

Эслатиб ўтамиз, аввалроқ Аргентина Президенти Хавьер Милей Либра номли мемкоин криптовалютасининг судхўрлик лойиҳаси билан алоқадорликда айбланган эди.

Бунёд Келдибоев