Ван Перси ЕЧЛда шов-шув кўтарган жамоани бошқарадиган бўлди

Спорт

−

21 Февраль visibility3857 timer1 дақиқа

“Херенвен” клуби бош мураббийи Робин ван Перси Роттердамнинг “Фейеноорд” жамоаси устозига айланади. Бу ҳақда “The Athletic” нашри хабар берди.

Манбага кўра, “Фейеноорд” “Херенвен” билан шартнома шартларини келишиб, 41 ёшли мутахассисни мураббийликка тайинлаш борасида бир тўхтамга келган.

Қайд этиш жоиз, ван Перси айнан Роттердам жамоасининг тарбияланувчиси ҳисобланади. Ҳозирда “Фейеноорд” Европа Чемпионлар лигасида муваффақиятли иштирок этмоқда. Жамоа ўтиш ўйинида “Милан” клубини мағлуб этиб, 1/8 финалга йўл олди.

Маълумот учун, Робин ван Перси футболчилик фаолияти давомида “Фейеноорд”, Лондоннинг “Арсенал”, “Манчестер Юнайтед” ва Туркиянинг “Фенербахче” клубларида тўп сурган. У икки марта Англия Премер-лигасининг “Олтин бутсаси”ни қўлга киритган ва Нидерландиянинг барча вақтлардаги энг яхши тўпурари ҳисобланади.

Мақола муаллифи