Ўзбекистонлик боксчилар халқаро мусобақада 6 та медалга эга чиқди

Ўзбекистонлик боксчилар Испанияда ўтган халқаро мусобақада 6 та медалга эга чиқди. Бу ҳақда Миллий олимпия қўмитаси маълум қилди.

Маълум қилинишича, Испаниянинг Ла-Нусия муниципалитети мезбонлик қилган бокс бўйича “Boxam” халқаро мусобақаси ўз якунига етди ва унда иштирок этган Ўзбекистон терма жамоаси 4 та олтин ва 2 та бронза медалларини қўлга киритган.

“Кеча ўтган финал баҳсларида рингга кўтарилган йигитларимизнинг барчаси ғалаба қозонишга эришди”, дейилади қўмита хабарида. 

Қайд этилишича, олтин медаль билан:

•   63,5 кг: Мужибилло Турсунов
•   -71 кг: Ҳавасбек Абдуллаев
•   -80 кг: Тўрабек Ҳабибуллаев
•   -92 кг: Шоҳжаҳон Абдуллаев

Бронза медаль билан:

•   -63.5 кг: Руслан Абдуллаев
•   -92 кг: Лазизбек Мулложонов совриндор бўлган.

Маълумот учун, 2023 йилнинг 24 ноябридан 4 декабрига қадар Арманистон пойтахти Ереван шаҳрида, ўсмир боксчилар ўртасида ўтказилган Жаҳон чемпионатида Ўзбекистон вакиллари умумжамоа ҳисобида 3-ўринни қўлга киритган эди.