Ўзбекистонга 6 ойда энг кўп қайси давлатлардан пул ўтказилгани маълум қилинди

Россия, Қозоғистон ва АҚШ Ўзбекистонга пул ўтказмалари ҳажми бўйича биринчи ярим йилликда етакчи бўлди. Бу ҳақда Ўзбекистон Марказий банки маълум бўлди.

Қайд этилишича, Ўзбекистонга тушган маблағларнинг умумий ҳажми ўтган йилга нисбатан қарийб икки баробарга ошиб, 6,5 миллиард долларга етди. Умумий сумманинг 81 фоизи Россия Федерациясидан (5,3 миллиард доллар) ўтказилган.

Ўтган йили Россиядан тушумларнинг умумий ўтказмалардаги улуши 67 фоизни (2,2 миллиард доллар) ташкил қилган. Ўзбекистонга трансферлар бўйича иккинчи ўринда Қозоғистон қайд этилган. Олти ойда республикага Қозоғистондан 327 миллион доллар жўнатилган бўлиб, бу ўтган йилга нисбатан 11 фоизга кўпдир.

Йилнинг биринчи ярмида АҚШдан тушумлар бироз ўсган – 2,6 фоизга. Океанорти мамлакатидан юборилган маблағларнинг умумий миқдори 237 миллион долларни ташкил этган.

Бошқа барча мамлакатлардан Ўзбекистонга 662 миллион доллар жўнатилган бўлиб, бу ўтган йилга нисбатан 18 фоизга кўп.