Ўзбекистонда қанча талаба ўқиётгани маълум бўлди
Бу қизиқ
−
06 Сентябрь 2023
4181Айни дамда Ўзбекистонда 1 миллиондан зиёд талаба олий таълим муассасаларида ўқимоқда. Бу ҳақда ЎзА маълум қилди.
Айтилишича, Ўзбекистондаги жами 211 та олийгоҳда тахминан 1 млн 200 минг нафар талаба таҳсил олади. Айни дамда иккинчи ва ундан юқори курсда 950 минг, биринчи курсда эса 250 минг нафар талаба ўқимоқда.
“Талабаларга 39 533 нафар профессор-ўқитувчилар дарс беради. Олийгоҳларнинг ўртача илмий салоҳияти 39,8 фоизни ташкил этади”, дейилади хабарда.
Эслатиб, ўтамиз, Ўзбекистон олий таълим муассасаларида ўқиётган талабалар учун қандай номли стипендиялар берилиши ҳақида хабар берган эдик.