Ўзбекистонда аномал иссиқ об-ҳаво яна 10 кун давом этади
Жамият
−
09 Июль 2019 11064
Ўзбекистон Гидрометеорология хизмати марказининг хабар беришича, жорий йилнинг 11-18 июль кунлари Ўзбекистонда ҳаво ҳарорати ўртача кўп йиллик қийматлардан 5-7 даражага юқори бўлган ҳолда жуда иссиқ бўлиши кутилмоқда.
Қайд этилишича, ҳаво кундуз кунлари 40-42 даражагача, жанубда ва чўл ҳудудларда 43-45 даража иссиққача кўтарилади. Бухоро, Навоий, Қашқадарё, Сурхондарё вилоятларида гармсел бўлиши мумкин.
11-18 июлда республиканинг тоғ олди ва тоғли ҳудудларида ҳарорат фонининг кўтарилиши ҳисобига Тожикистон ва Қирғизистон ҳудудларидан гляциал (музли) сел тошқинлари ўтиши мумкин.
Хабарингиз бор, олдинроқ Ўзбекистонда ҳаво ҳароратининг кўтарилиши сабаб, йўловчи поездларининг тезлигига чеклов белгилангани ҳақида маълум қилган эдик.
Live
БарчасиБухорода Ғиждувон деҳқон бозори ёнмоқда.
14 Декабрь
