Ўзбекистон ва Қозоғистон махсус ҳарбий машғулотлар ўтказди

Ўзбекистон ва Қозоғистон ҳарбий хизматчилари “Қалқон-2023” махсус-тактик ўқув машғулотларини ўтказди. Бу ҳақда Ўзбекистон Республикаси Мудофаа вазирлиги матбуот хизмати хабар берди. 

Унга кўра, Ўзбекистон ва Қозоғистон мудофаа вазирликлари ўртасидаги ҳарбий ҳамкорлик режасига мувофиқ, Ўзбекистон Республикасида икки давлат ҳарбий қисмлари ўртасида компьютер қўмондонлик штаби ўқув кўринишидаги қўшма махсус-тактик ўқув машғулотлари ўтказилган. Бу машғулот Марказий ҳарбий округ қўшинлари қўмондонлиги бошчилигида Ўзбекистон Республикаси Қуролли Кучларини моделлаштириш ва моделлаштириш бўйича илмий-тадқиқот дала ўқув марказида амалга оширилган.

Ҳисоботда айтилишича, жаҳондаги қуролли можаролар қўшинларнинг замонавий жанговар услуб ва усулларини кенг қўллаши, бошқа давлатларнинг етакчи армиялари билан тажриба алмашиши, турли кескин вазиятларга доимо шай туриши, билим ва кўникмаларни мунтазам ошириб боришини тақозо этади. Мазкур машғулотларда энг янги технологиялардан фойдаланиш жиҳатларига алоҳида эътибор қаратилган.

Шунингдек, машқлар давомида ҳар бир юзага келиши мумкин бўлган вазиятга баҳо берилди: кескин вазиятларда ҳаракат қилиш, тезкор қарорлар асосида топшириқларни бажариш масалалари кўриб чиқилган. Куннинг иккинчи ярмида машғулотлар натижалари таҳлил қилиниб, эсдалик нишонлари ҳамда совғалар топширилган.