Ўзбекистон Суриядаги фуқароларини қайтариш учун яна бир операция ўтказмоқчи

Local

−

28 November 2020 visibility10566 timer1 minute

Ўзбекистон Республикаси делегацияси Сурия Араб Республикасига ташриф буюриб, ушбу мамлакатда қийин аҳволга тушиб қолган республикамиз фуқаролари, аёллар ва болаларни Ўзбекистонга қайтариш бўйича навбатдаги акциянинг ташкилий масалаларини ўрганди. Бу ҳақда “Дунё” агентлиги хабар берди.

“Фуқароларимизни Ватанга қайтариш Ўзбекистон Республикаси ҳукуматининг бевосита мажбуриятидир. Ушбу мақсаддаги чора-тадбирларни амалга ошириш жараёнида фақат инсонпарварлик тамойилларига таянилади”, дейилган хабарда.

Эслатиб ўтамиз, аввалроқ Ўзбекистон “Меҳр-1” ва “Меҳр-2” инсонпарварлик акцияларини ўтказган, бунинг натижасида 220 нафар аёл ва бола Яқин Шарқдаги можаро ҳудудларидан мамлакатга қайтарилган эди.

Author

Ўзбекистон Суриядаги фуқароларини қайтариш учун яна бир операция ўтказмоқчи

Sunnatilla Abdullaev