Ўзбекистон Қозоғистон билан нималарга келишди?

Бугун, 15 ноябрь куни Тошкентдаги Кўксарой қароргоҳидан ўтган музокаралар якунида Ўзбекистон Республикаси Президенти Шавкат Мирзиёев ва Қозоғистон Республикаси Президенти Қосим-Жомарт Тўқаев Қўшма баёнот имзолади. Бу ҳақда икки давлат раҳбарларининг матбуот хизматлари хабар берди.

Шавкат Мирзиёев ва Қосим-Жомарт Тўқаев қуйидаги ҳужжатларни имзолади:

1. Қозоғистон Республикаси ва Ўзбекистон Республикаси ҳудудлари раҳбарлари кенгашини тузиш тўғрисидаги Олий давлатлараро кенгаш қарори;

2. Геология, камёб ва нодир ер металларини қазиб олиш бўйича икки томонлама ишчи гуруҳини тузиш тўғрисидаги Олий давлатлараро кенгаш қарори;

3. Трансчегаравий дарёлар сувлилигини башорат қилиш бўйича икки томонлама ишчи гуруҳини тузиш тўғрисидаги Олий давлатлараро кенгаш қарори.

Ташриф давомида яна бир қатор ҳужжатлар имзоланди, жумладан:

• Трансчегаравий сув объектларини биргаликда бошқариш ва улардан оқилона фойдаланиш тўғрисидаги битим;
• Божхона хизмати ваколатхоналарини очиш тўғрисидаги битим;
• Чегараолди ҳудудларда ерусти радио хизматлари томонидан фуқаролик мақсадларида фойдаланиладиган радиочастоталарни ўзлаштиришни мувофиқлаштириш тўғрисидаги битим;
• Қўшма ҳарбий ўқувларни ўтказиш тўғрисидаги битим;
• Қўшма инвестиция платформасини яратиш тўғрисидаги ҳадли битим;
• 2026-2027 йилларга мўлжалланган туризм соҳасида ҳамкорлик бўйича қўшма ҳаракатлар режаси;
• Адлия вазирликлари ўртасида 2025-2026 йилларга мўлжалланган ҳамкорлик дастури;
• Тоғ-кон саноатида ҳамкорликни ривожлантириш тўғрисидаги меморандум;
• Ўзбекистон Ёшлар ишлари агентлиги ва “Ассамблея жастары” жамоат бирлашмаси ўртасида ҳамкорлик тўғрисидаги меморандум;
• Соғлиқни сақлаш вазирликлари ўртасида ихтисослаштирилган тиббий ёрдам кўрсатиш соҳасида ўзаро англашув меморандуми;
• Тиббий суғурта жамғармалари ўртасида ўзаро англашув меморандуми;
• Тошкент шаҳар ҳокимлиги ва Остона шаҳар ҳокимлиги ўртасида ҳамкорлик битими;
• “Ўзбекнефтгаз” ва “Казмунайгаз” акциядорлик жамиятлари ўртасида ҳамкорлик битими.