Ўзбекистон интернет тезлиги бўйича яна пастлади
Жамият
−
17 Май 2019 3389 1 дақиқа
2019 йил апрель ойи якунлари бўйича жаҳонда мобил ва симли интернет тезлиги ҳақидаги маълумотларни ўз ичига олган Speedtest Global Index ойлик рейтинги эълон қилинди.
Ирландиянинг Ookla компаниясига тегишли Speedtest.net интернет-сервиси маълумотига кўра, рейтингда Ўзбекистоннинг позициялари қуйидагича кўриниш олди:
• мамлакат мобил интернет тезлиги бўйича ўз позициясини янада пасайтирди ва 9,8 Мбит/с. тезлик билан 129-ўринни эгаллади;
• симли интернет тезлиги бўйича 13,5 Мбит/с. тезлик билан 178 давлат орасида 124-ўриндан жой олди.
Норвегия мобил интернет тезлиги (65,41 Мбит/с.) бўйича биринчи ўринни қўлга киритган бўлса, Сингапур эса симли интернет тезлиги (197,50 Мбит/с.) бўйича дунёда тенгсиз экан.
Speedtest сервисдан ўз уланиши тезлигини текширишда фойдаланувчи шахслардан олинган маълумотлар асосида тезликни ҳисоблаб чиқаради ҳамда рейтингни шакллантиради.
Live
Барчаси
