Уйида бангихона ташкил этган ва клубда қорадори сотган шахслар ушланди

north_east

ОИТС рўйхатида бўла туриб, 5 киши билан жинсий алоқа қилган 20 ёшли қиз ушланди (видео)

Давлат хавфсизлик хизмати ҳамда Ички ишлар вазирлиги тузилмалари томонидан жорий йилнинг 8-9 февраль кунлари ўтказилган “Ориат” кенг кўламли тадбирларида бангихона ташкил этган ва тунги клубда гиёҳвандлик воситаларини сотиб келган шахслар қўлга олинди. Бу ҳақда Давлат хавфсизлик хизмати хабар берди.

Жумладан, Хоразм вилоятида ўтказилган рейд тадбирлари давомида Янгибозор туманидаги тунги клуб иш бошқарувчиси бўлган 2004 йилда туғилган шахс клубда мижозларга гиёҳвандлик воситаларини сотиш билан шуғулланиб келаётгани аниқланди. Ҳодиса жойидан гиёҳвандлик воситаси, 2 дона бита, 2 дона пичоқ ва 1 дона электрошокер ашёвий далил сифатида олинди.

Тошкент шаҳридаги ҳолатда эса 1986 йилда туғилган шахс эса 2 нафар жиноий шериги билан бирга Юнусобод туманидаги хонадонда синтетик гиёҳвандлик воситасини игна орқали қабул қилиб, бангихона ташкил этгани аниқланган. Ўтказилган шахсий тинтувлар жараёнида улардан бирининг ёнида қора рангли пакетга ўралган синтетик гиёҳвандлик воситаси борлиги аниқланиб, ашёвий далил сифатида олинди.

Эслатиб ўтамиз, аввалроқ ДХХ Чегара қўшинлари томонидан Божхона қўмитаси билан ҳамкорликда йирик миқдордаги гиёҳвандлик воситаларининг Ўзбекистонга олиб кирилишига қарши тадбирда 2986 дона супургининг дастаклари орасидан 612 килограмм қорадори топилганди.