Ўрунов жароҳат сабаб 3 ҳафтани ўтказиб юборади – манба
Спорт
−
23 Апрель 2926 1 дақиқа
Ўзбекистон миллий терма жамоаси ва Эроннинг “Персеполис” клуби аъзоси Остон Ўрунов жароҳат сабаб 2-3 ҳафтани ўтказиб юборадиган бўлди. Бу ҳақда “Varzish3” нашри хабар берди.
Манбага кўра, дастлабки текширувлардан кейин клуб футболчининг жароҳати ҳақидаги хулосани маълум қилди. Унга кўра, Ўрунов мушак қисмининг чўзилиши сабаб 2-3 ҳафта давомида жамоага ёрдам бера олмайди.
Маълумот ўрнида, ўзбекистонлик вингер Эрон Про Лигасининг 27-туридан ўрин олган “Сепахон”га қарши баҳснинг 25-дақиқасида жароҳат олиб, алмаштирилди.
Қайд этиш керак, аввалроқ,футболчи жароҳат сабаб узоқ муддатга сафдан чиққан эди ҳамда Ўзбекистон терма жамоасининг Жаҳон чемпионати саралашидаги Қирғизистон ва Эронга қарши ўйинларини ўтказиб юборган эди.
