Умумий овқатланиш ва чакана савдо соҳаларида талаблар соддалаштирилади

Жамият

image

Жорий йилнинг 1 сентябригача умумий овқатланиш ва чакана савдо соҳаларидаги талабларни соддалаштириш ҳамда ушбу соҳалардаги тадбиркорларни қўллаб-қувватлаш чораларини назарда тутувчи ҳужжат лойиҳаси Ҳукуматга киритилади. Лойиҳани Адлия вазирлиги тайёрлайди. Бу ҳақда Ўзбекистон Президентининг кеча, 27 июль куни қабул қилинган “Тадбиркорлик субъектлари билан самарали мулоқот тизимини жорий этиш ва уларнинг ҳуқуқий ҳимоясини янада кучайтириш чора-тадбирлари тўғрисида”ги фармонида белгиланди.

Фармонга кўра, “business.gov.uz” портали “Тадбиркор виртуал офиси” порталига айлантирилди. 

Портал орқали тадбиркорларнинг мурожаатлари кечаю кундуз қабул қилиниб ҳал этилади ва ушбу жараёнлар назорат қилиб борилади.

2022 йил 1 августдан:

a)    А) порталга қуйидагилар томонидан мурожаатлар киритилади:

•    тадбиркорлар;
•    Савдо-саноат палатаси ҳузуридаги “Саll-марказ” хизмати;
•    Тадбиркорларнинг ҳуқуқларини ҳимоя қилиш бўйича вакил (Вакил);
•    ҳоким ёрдамчилари;

b)    мурожаатлар автоматик ёки Вакил томонидан ваколатли органларга кўриб чиқиш ва ҳал этиш учун йўналтирилади; 

c)    ваколатли органлар мурожаатларни кўриб чиқиб натижалари тўғрисида ахборотни порталга киритади;

d)    Вакил мурожаатларни кўриб чиқиш тартиби ва муддати устидан рақамли назорат ўрнатади ҳамда қонунбузилиш ҳолатлари бўйича тегишли таъсир чораларини қўллайди.

Вакил ҳар йили 1 мартгача Президентга давлат органлари томонидан тадбиркорларнинг ҳуқуқларини ва манфаатларини ҳимоя қилиш тўғрисидаги қонунчилик ҳужжатларига риоя этилишининг ҳолатига доир йиллик ҳисобот тақдим этади.


Мақола муаллифи

Теглар

Баҳолаганлар

109

Рейтинг

3

Мақолага баҳо беринг

Дўстларингиз билан улашинг