UFC чемпиони жангдаги жароҳат сабаб кўзларини операция қилди

Амалдаги UFC оғир вазн тоифасидаги чемпиони Том Аспиналл Сирил Ган билан бўлган баҳсли жангда олган жароҳати сабаб иккала кўзи ҳам операция қилинди. Бу ҳақда спортчи ўзининг Instagram саҳифасида хабар беради.

“Сўнгги бир неча ой давомида биз Том билан унинг соғайиши устида яқиндан ишладик. Иккала кўзи ҳам операция қилинди ва биз унинг кўриш қобилиятини жангга тайёр даражага қайтариш йўлидаги сафаримизни давом эттирмоқдамиз”, дейилади Том ва тиббиёт муассасаси қўшма баёнотида.

Маълумот учун, 2025 йил 25 октябрь куни Абу Дабида бўлиб ўтган UFC 321 мусобақасида инглиз Том Аспиналл ва француз Сирил Ган ўртасидаги чемпионлик жанги тўлиқ ўтказилмайди, деб эълон қилинган эди. Биринчи раундда Ган Аспиналлнинг иккала кўзига ҳам мушт туширган. Ҳакам жангчига тиббий ёрдам кўрсатиш зарурати сабаб жангни тўхтатган ва якунда жанг расмий равишда ўтказилмаган деб эълон қилинган.