У ажойиб футболчи бўлиши мумкин – Роналду ўғли ҳақида
Спорт
−
17 Июнь 2023 8812
Португалиялик футболчи Криштиану Роналду ўғлининг келажакда яхши футболчи бўлиши мумкинлигини айтди. Бу ҳақда спортчи таниқли карикатурист Омар Момани билан бўлган суҳбатда маълум қилган.
“Кўрамиз, у ажойиб футболчи бўлиши мумкин, лекин ҳозирча бунга эрта. Баъзан у кола ичади, чипслар ейди ва бундан менинг жаҳлим чиққанини ҳам билади. Унинг салоҳияти бор. У тезкор, яхши дриблинг қилади, лекин бу етарли эмас”, дейди “Ал-Наср” ҳужумчиси.
Шунингдек, португалиялик ўғлининг келажакда кўпроқ қайси касб эгаси бўлишини исташи ҳақида ҳам тўхталиб ўтди.
“Мен унга футболчи бўлиш учун босим ўтказмайман. Бу жуда кўп меҳнат ва фидойиликни талаб қилади. Ўғлим агар футболчи ёки шифокорликни танлаши керак бўлса, мен фақат энг зўр бўлишини истайман холос”, дейди Роналду.
Муҳсинжон Умурзоқов
Live
Барчаси
