Туркманистонда тиббий ниқоб тақаётганлар кўпаймоқда. Бу нимани англатади?

north_east

ЖССТ Туркманистонга гуруҳ юборди. Мамлакатда коронавирус бор-йўқлиги текширилади

6 июль куни Туркманистон пойтахти Ашхободда шаҳар автобуслари, микроавтобус ҳайдовчилари ва давлат таксиларининг ҳайдовчилари тиббий ниқоблар таққан ҳолда ишга чиқди. Баъзи маълумотларга кўра, шунга ўхшаш буйруқ Жаҳон соғлиқни сақлаш ташкилотининг (ЖССТ) Туркманистонга бўлажак ташрифи муносабати билан қабул қилинган.

Аввалроқ, "Turkmen.news" нашри бозорларда ва бошқа жамоат жойларида ниқобли одамлар сони кўпайгани ҳақида хабар берган эди. Хабар қилинишича, Ашхободдаги бозорлардан бирида сотувчи ва харидорларнинг қарийб 30 фоизи ниқоб тақишмоқда. Маҳаллий ишлаб чиқарилган антисептик ва нам салфеткалар мамлакатда арзон нархларда сотилмоқда.

Туркманистонда расмий равишда COVID-19 билан касалланган беморлар йўқ, аммо сўнгги ҳафталарда пневмониядан касалланиш ва ўлим ҳолатлари кўпаймоқда. Шахсий суҳбатларда турли даражадаги шифокорлар коронавирус тестларининг кўплаб ижобий натижалари борлигини айтишади, аммо улар қайд этилмайди. Беморлар “Полимекс” қурилиш компаниясининг янги ташкил этилган карантин лагерига юборилади.

Аввалроқ, “Хроники Туркменистана” нашри Ашхободда 6 киши коронавирусга чалингани ҳақида хабар берган эди.