Туркиядаги ўзбекистонлик футболчилар сони кўпайди

Ўзбекистон миллий терма жамоаси аъзоси ва “Насаф” клуби футболчиси Ҳусниддин Алиқулов фаолиятини Туркиянинг “Ризеспор” жамоасида давом эттиради. Бу ҳақда клуб расмий сайтида маълум қилинди. 

Қайд этилишича, бугун, 5 август куни ўзбекистонлик 24 ёшли футболчи Туркия Суперлигаси клуби билан 3+1 кўринишида шартнома имзолаган. Яъни, у 3 йиллик келишув муддатини яна 1 йилга узайтириш ҳуқуқига эга. 

“Ҳусниддин Алиқуловга хуш келибсан деймиз ва омад тилаймиз”, дейилади клуб хабарида.

Маълумот учун, Алиқулов Ўзбекистон Суперлигасининг 12 та ўйинида 5 та гол уриб, “Насаф” тўпурари бўлиб турганди. Туркиянинг “Ризеспор” клуби Ризе шаҳри жамоаси бўлиб, 2020/2023 йилги мавсумда мамлакат Суперлигасида иштирок этади. Клуб уй ўйинларини 15 минг томошабинга мўлжалланган “Ени Ризе Шеҳир” стадионида ўтказади.

Эслатиб ўтамиз, кеча, 4 август куни Ўзбекистон миллий терма жамоаси аъзоси Аббосбек Файзуллаев Россиянинг ЦСКА клуби билан 2025/2026 йилги мавсум охирига қадар шартнома имзолаган эди. Шунингдек, москваликларда битимни яна бир йилга узайтириш ҳуқуқи мавжуд.