Туркия ўзининг ядро реакторини ишлаб чиқара бошлади

Расмий Анқара бошқа давлатлар иштирокисиз маҳаллий ядро реакторларини яратиш бўйича миллий лойиҳа бошланганини эълон қилди. Бу ҳақда “Anadolu” хабар берди.

Туркия Саноат ва технология вазири Меҳмет Фотиҳ Кажирга кўра, бу энергия мустақиллигини мустаҳкамлаш ва импортга қарамликни камайтиришга қаратилган “Миллий технологик сакраш” стратегиясининг бир қисми ҳисобланади.

“Биз бошлаган “Маҳаллий ядровий реакторни ривожлантириш чақириғи” билан энергия хавфсизлигини таъминлашни, ташқи таъминотга қарамликни камайтиришни ва ноль соф эмиссия мақсадимизга эришишга ҳисса қўшишни режалаштирмоқдамиз. TENMAK ва TÜBİTAK институтлари иштирокида Туркия саноатининг ваколатларидан фойдаланган ҳолда юқори технологияли реакторлар ишлаб чиқилади ва мамлакатимизда вазирлик ва университетлар ишга туширилади”, деган у.

Вазирнинг айтишича, танловда иштирок этиш учун аризалар 2025 йилнинг 31 декабригача топширилиши мумкин.

Туркиядаги илк атом электр станцияси “Аккую” ҳозирда Россия иштирокида қурилмоқда. У Россияда ишлаб чиқарилган илғор VVER-1200 3+  реакторларига эга тўртта қувват блокидан иборат. Ҳар бир энергия блокининг қуввати 1200 мегаваттни ташкил қилади. “Аккую” АЭС қурилиши глобал атом саноатида Build-Own-Operate моделидан фойдаланган ҳолда амалга оширилаётган биринчи лойиҳадир.

Туркия Президенти жорий йилнинг 8 сентябрь куни мамлакатда “Росатом” давлат корпорацияси томонидан қурилаётган Аккую атом электр станциясининг ишга туширилиши республикага ялпи ички маҳсулотдан 50 миллиард доллар олиб келишини айтган эди.

Эслатиб ўтамиз, аввалроқ “Aydınlık” нашри Пентагон томонидан ядро бомбаларининг модернизация қилиниши эҳтимолий урушда Туркияни нишонга айлантириши, чунки бундай 50 та қурол Туркия жанубидаги Инжирлик авиабазасига жойлаштирилгани хабар қилинганди.