Тунда Тошкент аэропортида “свет” ўчиб қолди
Жамият
−
06 Январь 5040 1 дақиқа
Тошкент аэропортида бугун, 6 январь соат 2:28 да қисман электр узилиши содир бўлди. Бу ҳақда “Uzbekistan Airports” ўзининг расмий саҳифасида маълум қилди.
Қайд этилишича, электр узилиши маҳаллий вақт билан соат 02:28 да Қўйлиқ подстанциясидаги кичик носозлик туфайли содир бўлган. Хабарда узилиш самолётларнинг учиши ва қўнишига таъсир қилмагани ва барча хизматлар одатий режимда фаолият олиб бораётгани айтилган.
Маълум қилинишича, кетиш ва келиш заллари захира дизель генераторлар ва UPS ёрдамида электр энергияси билан таъминланган. Соат 02:49 га келиб электр энергияси тўлиқ тикланган.
“Вақтинчалик ноқулайликлар учун узр сўраймиз ва тушунганингиз учун миннатдормиз”, дейилади хабарда.
Эслатиб ўтамиз, ўтган 2025 йилда ҳам Андижон шаҳридаги подстанцияда қисқа туташув оқибатида чиққан ёнғин сабабли айрим ҳудудлар электрсиз қолган эди.
