Туман ҳокими ўринбосари ва ИИБ ходими ноқонуний ов уюштиргани аниқланди

Жамият

image

Жорий йилнинг 16 октябрь куни Хоразм вилоятининг Туркманистон Республикаси билан чегарадош Тупроққалъа туманининг чегара олди ҳудудида тунги соат 02:00 ларда 8 нафар фуқаро ноқонуний ов қилгани аниқланди. Бу ҳақда Хоразм вилояти Экология ва атроф муҳитни муҳофаза қилиш бошқармаси хабар берди.

9009-сонли Ҳарбий қисм чегарачилари билан ўтказилган Экологик назорат тадбири давомида 8 нафар фуқаро чегара олди ҳудудларида бўлиш режимини ҳамда ов қилиш ва балиқ овлаш қоидаларини бузиб, бир дона ёввойи тўнғизни отиб ўлдирганликлари ва ов қилиш мақсадида юрганликлари аниқланган.

Ҳуқуқбузарлардан 6 та ов қуроли, 105 та ўқ-дори ва 4 та қармоқлар ашёвий далил сифатида олиб қўйилди. 

Мазкур ҳуқуқбузарлик ҳолати юзасидан тўпланган ҳужжатлар суд идораларига тақдим этилади.

Маълумотларга кўра, овчиларнинг бири Тупроққалъа тумани ҳокимининг ўринбосари, бошқаси туман ИИБ масъул ходими бўлган.


Мақола муаллифи

Теглар

ов Тупроққалъа

Баҳолаганлар

387

Рейтинг

3

Мақолага баҳо беринг

Дўстларингиз билан улашинг