Трамп меъёрдан ортиқ аспирин ичишини айтди

АҚШ Президенти Дональд Трамп ҳар куни шифокор тавсия қилганидан кўра кўпроқ аспирин ичишини айтди. Бу ҳақда у “The Wall Street Journal” нашрига берган интервьюсида сўз очди.

Президентнинг шифокори Шон Барбабелланинг айтишича, 79 ёшли Дональд Трамп юрак кассалликларидан ҳимояланиш учун кунига 325 мг аспирин қабул қилади. Бироқ бу мақсадда дорини қабул қилиш жуда кўп доза ҳисобланади.

“Улар аспиринни қонни суюлтириш учун яхши деб айтишади. Шунинг учун мен юрагимга қуюқ қон қуйилишини хоҳламайман”, дейди Трамп

Оқ уй раҳбари интервьюда 25 йилдан бери аспириннинг меъёрдан ортиқ дозасини қабул қилиб келишини айтган. У 82 ёшда бўлган ҳамда 2024 йилда соғлиғи борасидаги хавотирлар туфайли қайта сайланиш ҳуқуқидан воз кечган Жо Байдендан кейинги АҚШ Президенти лавозимини эгаллаган иккинчи энг кекса Президент ҳисобланади.

Бироқ Трампнинг соғлиғи ҳам қониқарли даражада эмас. Бу хавотирлар 2025 йил ёзда унинг қўлида кўкаришлар пайдо бўлгандан сўнг бошланди. Июль ойида Трампга сурункали вена етишмовчилиги ташхиси қўйилди. Оқ уй матбуот котиби Каролин Ливитт буни “зарарсиз ва кўп учрайдиган ҳолат” деб таърифлади. Бунинг сабаби шикастланган веналар қоннинг тўғри оқишига тўсқинлик қилади.

Эслатиб ўтамиз, Дональд Трампнинг қўлида кўкаришлар пайдо бўлгани ҳақида хабар берилган эди. Оқ уй раҳбари суратларда қўлининг кўкарган жойини кўрсатмаган, бироқ Президентнинг қўлини қалин крем қатлами билан қопланганини билиш мумкин.