Трамп педофилиядаги туҳмат учун WSJ’дан пул талаб қилди

north_east

Трампнинг жиноятчи Эпштейнга алоқаси борлиги айтилди

Оқ уй раҳбари Дональд Трамп медиамагнат Руперт Мердок ва вояга етмаганларни таҳқирлашда айбланаётган америкалик молиячи Жеффри Эпштейнга ёзган мактуби ҳақида мақола ёзган WSJ газетасининг икки журналистидан туҳмат ва обрўсига зиён етказганлик учун 20 миллиард доллар талаб қилди. Бу ҳақда “Bild” хабар берди.

Гап шундаки, олдинроқ “The Wall Street Journal” нашри Эпштейннинг 50 йиллик юбилейи муносабати билан тайёрланган альбомни кўриб чиққани ҳақида мақола эълон қилган эди. Нашрнинг ёзишича, Трамп молиячининг юбилейига яланғоч аёлнинг қўлда чизилган суратини совға сифатида юборган. Расм билан бирга табрик мактуби ҳам бўлган. Трамп бунга қуйидагича жавоб қайтарган:

“Мен ҳаётимда ҳеч қачон расм чизмаганман. Аёлларни чизмайман”.

Бироқ, WSJ мақоласида бошқа шартли далиллар ҳам қайд этилган. Масалан, Огайо штатининг хайрия ташкилоти директори Лоэри Локард CNN телеканалига 2004 йилда у Трампдан аукцион учун иккита имзоланган чизма олганини, уларнинг иккаласида ҳам Нью-Йоркдаги осмонўпар бино тасвирланганини айтди.

Бундан ташқари, АҚШ Президентининг баъзи асарлари аллақачон ўн минглаб долларларга сотилган. 2017 йилда Трампнинг шаҳар панорамаси тасвирланган чизмаларидан бири аукционда 29 минг долларга сотилган бўлса, дарахт ва қулаётган пуллар тасвирланган иккинчиси 8500 долларга сотилган. Шунга қарамай, Трамп вакиллари айбловлар ёлғон эканини таъкидлаб келади.

Маълумот учун, Эпштейн Нью-Йорк штати ҳуқуқни муҳофаза қилиш органлари томонидан 2019 йил 6 июлда ҳибсга олинган. Прокурорлар Эпштейн 2002 йилдан 2005 йилгача ўнлаб вояга этмаган қизларни (уларнинг энг кичиги 14 ёшда бўлган) Манхэттендаги уйига олиб келганини тасдиқловчи далил борлигини айтди.

Эпштейннинг дўстлари ва танишлари орасида нафақат Қўшма Штатлардаги, балки бошқа кўплаб мамлакатлардаги амалдаги ва нафақадаги амалдорлар, жумладан, собиқ давлат раҳбарлари, йирик тадбиркорлар ва шоу-бизнес юлдузлари ҳам бор эди. 2019 йил 10 августда қамоқхона камерасида ўз жонига қасд қилгандан сўнг, АҚШда молиячига нисбатан жиноий таъқиб қилиш тўхтатилди.

Эслатиб ўтамиз, аввалроқ АҚШ Президенти Дональд Трамп медиамагнат Руперт Мердокни туҳматда айблаб, судга даъво қилганди.