Тошкентдаги ЙТҲда 2 та автомобиль ёниб кетди
Жамият
−
11 Март 2021
4661Тошкент шаҳрининг марказида содир бўлган ЙТҲ туфайли иккита автомобилда ёнғин келиб чиққан: вазият қисқа вақт ичида иккита ёнғин ўчириш экипажлари томонидан бартараф этилган. Бу ҳақда Фавқулодда вазиятлар вазирлиги Матбуот хизмати хабар берди.
Кеча, 10 март кунидан 11 март кунига ўтар кечаси, Шота Руставели кўчасида Nexia-3 ва Spark русумли автомобиллар иштирокида йўл транспорт ҳодисаси содир бўлган. Тўқнашувдан сўнг иккала машинада ҳам ёнғин келиб чиққан.
Қайд этилишича, мазкур воқеада жабрланганлар йўқ, чунки ҳайдовчилар ўз вақтида автомобилдан чиқиб кетишга муваффақ бўлган. Бир неча дақиқадан сўнг ёнғин содир бўлган жойга Тошкент шаҳар Фавқулодда вазиятлар бошқармасининг ёнғин-қутқарув гуруҳлари етиб келган. Ёнғин уч дақиқадан камроқ вақт ичида бартараф этилган.
LiveБарчаси
07 Ноябрь 2023
07 Ноябрь 2023
07 Ноябрь 2023
07 Ноябрь 2023