Тошкентдаги “мойка”да ёнғин чиқди
Жамият
−
21 Февраль 2025 6333 1 дақиқа
Бугун, 21 февраль куни Тошкент шаҳри Яшнобод туманида жойлашган автомобиллар ювиш жойида ёнғин келиб чиқди. Бу ҳақда Тошкент шаҳар Фавқулодда вазиятлар бошқармаси хабар берди.
Маълум қилинишича, соат 22:02 да Яшнобод тумани, Авиасозлар 4-даҳасида жойлашган автомобиллар ювиш жойида ёнғин бўлаётганлиги тўғрисида Тошкент шаҳар ФВБга хабар келиб тушган.
Ёнғин қутқарув экипажлари айтилган манзилга соат 22:14 да етиб бориб, ёнғин соат 22:27 да қуршаб олиниб, соат 22:33 да ўчирилган.
Ёнғин оқибатида тан жароҳати олган ва вафот этган фуқаролар бўлмаган.
Қўшимча қилинишича, айни вақтда ёнғин сабаби ва моддий зарари аниқланмоқда.
Эслатиб ўтамиз, кеча, 20 февраль куни соат 07:41 да Тошкент шаҳар Олмазор туманида автобусда ёнғин чиққанди.
Live
Барчаси
