Toshkentdagi “moyka”da yong‘in chiqdi
Jamiyat
−
21 fevral 4717
Bugun, 21 fevral kuni Toshkent shahri Yashnobod tumanida joylashgan avtomobillar yuvish joyida yong‘in kelib chiqdi. Bu haqda Toshkent shahar Favqulodda vaziyatlar boshqarmasi xabar berdi.
Ma’lum qilinishicha, soat 22:02 da Yashnobod tumani, Aviasozlar 4-dahasida joylashgan avtomobillar yuvish joyida yong‘in bo‘layotganligi to‘g‘risida Toshkent shahar FVBga xabar kelib tushgan.
Yong‘in qutqaruv ekipajlari aytilgan manzilga soat 22:14 da yetib borib, yong‘in soat 22:27 da qurshab olinib, soat 22:33 da o‘chirilgan.
Yong‘in oqibatida tan jarohati olgan va vafot etgan fuqarolar bo‘lmagan.
Qo‘shimcha qilinishicha, ayni vaqtda yong‘in sababi va moddiy zarari aniqlanmoqda.
Eslatib o‘tamiz, kecha, 20 fevral kuni soat 07:41 da Toshkent shahar Olmazor tumanida avtobusda yong‘in chiqqandi.
Live
Barchasi
