Тошкент халқаро аэропортида кутиб олувчилар терминал ичига кириши мумкин бўлди

north_east

Энг яхши аэропортлар рейтинги эълон қилинди. Ўзбекистон борми?

Ислом Каримов номидаги Тошкент халқаро аэропортида учиб келиш зали кенг кўламли реконструкциясининг биринчи босқичи якунланди ва залнинг янгиланган ўнг қисми фойдаланишга топширилди. Бу ҳақда Uzbekistan Airports хабар берди.

Қайд этилишича, залнинг умумий майдони кенгайтирилди, автотранспорт ва автобуслар учун янги йўлак қурилган, 120 ўринли автотураргоҳ ташкил этилган ва яшил ҳудуд барпо этилган. Бино фасадининг кенгайиши учиб келиш зали майдонини 2100 кв.м га ошириш имконини берган. Натижада божхона ҳудуди кенгайтирилган, қўшимча юк карусели ўрнатилган, терминал ичида кутиб олувчилар учун илк бор 120 ўриндиқли ҳудуд ташкил этилган.

Шунингдек, кутиб олувчилар майдонидан ташқари, қисқа муддатли тўхташ учун залга туташган махсус ажратилган йўлак очилди. Энди зал олдига таксида ҳам, шахсий автомобилларда ва автобусларда ҳам кириш мумкин – йўлакда туриш вақти жўнаб кетиш залидаги йўлак каби 10 дақиқани ташкил этади.

Реконструкциянинг иккинчи босқичини 2025 йилнинг охиригача якунлаш режалаштирилган. Унинг давомида қўшимча юк ташиш камарини ўрнатиш, кафелар, дўконлар ва бошқа хизматлар жойлашган кутиб олувчилар ҳудудини кенгайтириш назарда тутилган.

Якуний босқич – келиш ва жўнаш залларини ягона терминал мажмуасига бирлаштириш. Ишлар якунлангач, терминалнинг умумий майдони 10 минг кв.м дан ошади, ўтказиш қобилияти эса соатига 2400 йўловчига етказилади.

Эслатиб ўтамиз, аввалроқ Сурхондарё вилоятидаги Сариосиё аэропорти 30 йилдан сўнг фаолиятини тиклаб, илк рейсни қабул қилганди.