“Тошкент – Андижон” йўналишида янги тезюрар электропоезд қатнайди

Эртага, 10 сентябрдан “Тошкент–Андижон–Тошкент” йўналишида замонавий тезюрар CRRC-Dalian электропоезди қатнови йўлга қўйилади. Бу ҳақда Транспорт вазирлиги хабар берди.

Қайд этилишича, янги электропоезд амалдаги 730/729-сонли поезд таркиби ўрнига ҳаракатланади.

730-сонли “Тошкент – Андижон” поезди қуйидаги вақтларда ҳаракатланади:

• Тошкент-Ёловчи – 09:20;
• Ангрен – 10:25;
• Поп – 12:00;
• Қўқон – 12:28;
• Марғилон – 13:00;
• Андижон – 13:35.

729-сонли “Андижон – Тошкент” поезди эса:

• Андижон – 15:38;
• Марғилон – 16:11;
• Қўқон – 16:43;
• Поп – 17:11;
• Ангрен – 18:50;
• Тошкент-Ёловчи – 19:53.

Маълум қилинишича, электропоезд таркибида 4 та эконом классдаги вагон бўлиб, уларнинг учтасида 95 нафардан, биттасида эса 72 нафар йўловчи учун ўрин мавжуд. Жами 357 та ўриндиқ кўзда тутилган.

Шунингдек, 10 сентябрдан “Тошкент – Фарғона” водийси йўналишида қатновчи қатор йўловчи поездларининг ҳаракат жадвалига ўзгартиришлар киритилади.

Эслатиб ўтамиз, жорий йилнинг 7 сентябридан бошлаб “Паркент – Тошкент – Паркент” йўналишида замонавий шаҳарлараро электропоезд қатнови йўлга қўйилган эди.