Тина Канделаки: “Емельяненко Рамзан Қодировга керак эмас”
Спорт
−
04 Март 2020
9385Россиянинг “Матч ТВ” телеканали бош директори Тина Канделаки MMA спорт тури бўйича оғир вазф тоифаси Александр Емельяненконинг Чеченистон раҳбари Рамзан Қодиров билан ўртасидаги муносабат ҳақида фикр билдирди.
“Александр Емельяненко Россия MMA спорти учун жуда оғир спортчи. Унинг мастлиги, жанжаллари, зўравонлиги ва аксил-ижтимоий хулқ-атвори ҳақидаги кучли сарлавҳалар рўйхатини шунчаки ҳисоблаб бўлмайди. Александр ўзига-ўзи душманлик қилди. Унинг қонунбузарлиги шуни кўрсатадики, тез орада у 15 суткалик қамоқ жазосига маҳкум қилинади. Лекин, асосий савол бу эмас. Нима учун Александр Емельяненко Рамзан Қодировга керак?
Менимча, бунинг жавобини биламан. Александр Емельяненконинг Рамзан Қодиров олдида машғулот ўткаётганига назар солинг. Емельяненко Қодиров олдида ҳушёр, кучли ва эҳтиросли кўринади. Чеченистонда Александр билан боғлиқ бўлган бирорта жанжал ҳақида эшитдикми? Албатта, йўқ. У ерда спиртли ичимлик истеъмол қиладиганлар учун жой йўқ. Чеченистонда фақат кураш ва спорт биринчи ўринда туради.
Александр Емельяненко Рамзан Қодировга керак эмас, балки Рамзан Қодиров Емельяненкога керак. Ҳар сафар бизнинг жангчимиз қўллаб-қувватлаш ҳақида сўз очганда, унинг талаби тўлақонли бажарилади. Бу учун у нима бериш керак бўлса беради. Ҳатто, Чеченистон раҳбари у билан машғулот ўтказишни истаса, бунга рад жавобини бермайди”, дейди Россиянинг “Матч ТВ” телеканали бош директори Тина Канделаки.
Эслатиб ўтамиз, бундан аввал Рамзан Қодиров Александр Емельяненкога қарши жанг қилиш истаги борлигини ва уни октагонга чорлагани ҳақида хабарлар тарқалганди.
Жаҳонгир Сотволдиев
LiveБарчаси