“The New York Times” менежери отиб ўлдирилди
Олам
−
19:30 1593 2 дақиқа
АҚШнинг Калифорния штатида “The New York Times” нашрининг “Games” хизмати муҳандислик директори Жонатан МакКинси отиб ўлдирилди. Қотилликда унинг рафиқасининг ота-онаси гумонланиб, қўлга олинди. Бу ҳақда “Associated Press” хабар берди.
Қайд этилишича, 40 ёшли МакКинси жорий йилнинг 26 сентябрь куни Сан-Франциско шаҳри шарқидаги Дублин шаҳрида жойлашган спорт мажмуаси автотураргоҳида отиб кетилган. Ҳодиса вақтида яқин атрофда бўлган полиция сержанти уни ерда ётган ҳолатда кўрган. Гувоҳлар эса полицияга воқеа жойи яқинида бўлган эр-хотинни кўрсатган.
Полиция 76 ёшли Шоуён Чжан ва Шили Ченни қотиллик ҳамда бошқа жиноятларда гумонлаб ҳибсга олган. Улар жорий йилнинг 30 сентябрь куни суд қилиниши кутилмоқда.
Маълумотларга кўра, қотиллик МакКинси ва унинг рафиқаси Кэндис Жангнинг ажрашиш иши бўйича навбатдаги суд мажлисига бир ҳафта қолганида содир бўлган. Эр-хотин 2012 йилда турмуш қурган ва уч нафар ёш фарзанди бор.
Билдирилишича, Жанг 2023 йилда турмуш ўртоғи устидан полицияга мурожаат қилиб, уни фарзандларидан бирини туртиб юбориш ва болаларга нисбатан қўпол жисмоний муомала қилишда айблаган. 2025 йил октябрь ойида эса МакКинси болага нисбатан зўравонликда айбланиб ҳибсга олинганидан сўнг, суд ундан ҳимояланиш учун вақтинчалик ордер чиқарган.
МакКинси ҳам бунга жавобан рафиқасига нисбатан ҳимоя ордери берилишини сўраб судга мурожаат қилган ва ажрашиш учун ариза берган. Кейинчалик у уч нафар фарзанди билан кўпроқ вақт ўтказиш ҳуқуқини талаб қилган. Суд ҳужжатларида унинг ўтган йил кузидан буён ҳафтасига икки соат назорат остида фарзандлари билан учрашишига рухсат берилгани қайд этилган.
МакКинси 2023 йил январь ойида “The New York Times” нашрига ишга кирган ва NYT Games хизматида муҳандислик директори лавозимида ишлаган. У Сан-Франциско кўрфази ҳудудида яшаган. Ҳозирча қотилликнинг аниқ сабаби расман маълум қилинмаган.
Эслатиб ўтамиз, аввалроқ Мексиканинг Кульякан шаҳрида TikTok блогери Сесар Гастелум дўстлари билан жонли эфир олиб бораётган вақтда номаълум қуролли шахслар томонидан отиб ўлдирилгани ҳақида хабар берилган эди.
Қайд этилишича, 40 ёшли МакКинси жорий йилнинг 26 сентябрь куни Сан-Франциско шаҳри шарқидаги Дублин шаҳрида жойлашган спорт мажмуаси автотураргоҳида отиб кетилган. Ҳодиса вақтида яқин атрофда бўлган полиция сержанти уни ерда ётган ҳолатда кўрган. Гувоҳлар эса полицияга воқеа жойи яқинида бўлган эр-хотинни кўрсатган.
Полиция 76 ёшли Шоуён Чжан ва Шили Ченни қотиллик ҳамда бошқа жиноятларда гумонлаб ҳибсга олган. Улар жорий йилнинг 30 сентябрь куни суд қилиниши кутилмоқда.
Маълумотларга кўра, қотиллик МакКинси ва унинг рафиқаси Кэндис Жангнинг ажрашиш иши бўйича навбатдаги суд мажлисига бир ҳафта қолганида содир бўлган. Эр-хотин 2012 йилда турмуш қурган ва уч нафар ёш фарзанди бор.
Билдирилишича, Жанг 2023 йилда турмуш ўртоғи устидан полицияга мурожаат қилиб, уни фарзандларидан бирини туртиб юбориш ва болаларга нисбатан қўпол жисмоний муомала қилишда айблаган. 2025 йил октябрь ойида эса МакКинси болага нисбатан зўравонликда айбланиб ҳибсга олинганидан сўнг, суд ундан ҳимояланиш учун вақтинчалик ордер чиқарган.
МакКинси ҳам бунга жавобан рафиқасига нисбатан ҳимоя ордери берилишини сўраб судга мурожаат қилган ва ажрашиш учун ариза берган. Кейинчалик у уч нафар фарзанди билан кўпроқ вақт ўтказиш ҳуқуқини талаб қилган. Суд ҳужжатларида унинг ўтган йил кузидан буён ҳафтасига икки соат назорат остида фарзандлари билан учрашишига рухсат берилгани қайд этилган.
МакКинси 2023 йил январь ойида “The New York Times” нашрига ишга кирган ва NYT Games хизматида муҳандислик директори лавозимида ишлаган. У Сан-Франциско кўрфази ҳудудида яшаган. Ҳозирча қотилликнинг аниқ сабаби расман маълум қилинмаган.
Эслатиб ўтамиз, аввалроқ Мексиканинг Кульякан шаҳрида TikTok блогери Сесар Гастелум дўстлари билан жонли эфир олиб бораётган вақтда номаълум қуролли шахслар томонидан отиб ўлдирилгани ҳақида хабар берилган эди.
Live
Барчаси
