Судланганлар мактаб директори бўлолмаслиги мумкин

Бу қизиқ

image

Эндиликда муқаддам судланган шахсларнинг умумий ўрта таълим тизимида раҳбарлик лавозимларини эгаллаши тақиқланиши мумкин. Бу ҳақда Халқ таълими вазирлиги томонидан ишлаб чиқилган қонун лойиҳасида келтирилган.

Мазкур қонун лойиҳаси Норматив-ҳуқуқий ҳужжатлар лойиҳалари муҳокамаси порталига жорий йилнинг 8 ноябрь куни жойлаштирилган бўлиб, муҳокама 23 ноябргача давом этади.

Лойиҳага кўра, умумий ўрта таълим мактабларида муқаддам судланганлардан ташқари, қуйида келтириладиганлар ҳам раҳбарлик лавозимига тайинланишига чеклов қўйилади:

•  суд томонидан муомалага лаёқатсиз ёки муомала лаёқати чекланган деб топилган шахслар;

•  психиатрия ёки наркалогия муассасаларида ҳисобда турган шахслар;

•  умумий ўрта таълим тизимида раҳбарлик фаолиятини амалга оширишга тўсқинлик қиладиган касалликка чалинган шахслар;

•  қасддан содир этган жинояти учун муқаддам судланган (судланганлик ҳолати тугатилганлиги, олиб ташланганлигидан қатъи назар) шахслар;

•  жиноят ишлари айбдорлиги тўғрисидаги масала ҳал этилмаган ҳолда тугатилган жиноятларни (қасддан) содир этган шахслар.

Эслатиб ўтамиз, Президент фармони билан тасдиқланган “2022-2026 йилларда халқ таълимини ривожлантириш бўйича Миллий дастур”га кўра, жиноий жавобгарликка тортилган шахсларнинг халқ таълими тизимида раҳбарлик лавозимига тайинланишини чеклаш бўйича норматив-ҳуқуқий ҳужжатларга ўзгартириш киритиш белгиланганди.

Самандар Ҳаққиев


Мақола муаллифи

avatar

.

Теглар

Баҳолаганлар

81

Рейтинг

3.1

Мақолага баҳо беринг

Дўстларингиз билан улашинг