Спортчи Олимпиадада қатнашиш учун отасининг таъзиясига бормади

Норвегиялик чанғичи Йоханн Андре Форфанг Италияда бўлиб ўтадиган Олимпия ўйинларида қатнашиш учун отасининг дафн маросимини турнирдан кейинга қолдирди. Бу ҳақда NRK хабар берди.

Манбага кўра, Андре Форфангнинг отаси Уго Форфанг бир йилдан ортиқ вақт давомида саратон касаллиги билан курашганидан сўнг жорий йилнинг 31 январь куни 68 ёшида вафот этган. Оила эса дафн маросимини Андре 2026 йилги Олимпиададан қайтганидан кейин ўтказишга қарор қилган.

Маълумотларга кўра, эркаклар ўртасидаги чанғида сакраш бўйича финал мусобақаси жорий йилнинг 16 февраль куни бўлиб ўтади – бу эса Уго Форфангнинг вафотидан икки ҳафтадан кўпроқ вақт ўтганидан кейинги санага тўғри келади.

“Мен унинг чемпионат давомида шу ерда бўлишини ўйлагандим, шунинг учун у бу воқеани англаши ниҳоятда қийин. Ўйлашимча отам ҳам ушбу лойиҳани якунлашимни истаган бўларди”, дейди Андре Форфанг.

Маълумот учун, Форфанг 2018 йилги Олимпия ўйинлари шахсий мусобақада кумуш медаль, жамоавий баҳсларда эса олтин медални қўлга киритган.